Mega tagumpay sa #balik-alindog program; proud nanay ni Fankie
PAYAT-PAYATAN na nga si Sharon Cuneta ngayon. Nag-post ng picture sa Facebook ang friend niyang si Sandy Santamaria na kuha sa TV show ni Mega. Malaki na nga ang nabawas sa timbang ni Shawie, huh!
Nagkasama rin sina Sharon at Lea Salonga sa isang picture at masasabi naming konting-konting kembot na lang ay puwede nang mapantayan ng Megastar ang kaseksihan ni Lea, huh!
Hayan, kapag nakamit na ang tamang pigura, puwede nang sumabak sa pelikula si Shawie. Pag sineryoso naman niya ang magbawas ng timbang ay kayang-kaya naman niyang gawin.
Siguradong effort kung effort ang pinairal na disiplina ni Sharon para maging matagumpay sa kanyang #balik-alindog program.
Siyanga pala, proud mother si Sharon nang kantahin ng panganay na anak nila ni Sen. Francis Pangilinan na si Frankie, ang first hit single niyang “Mr. DJ” sa Eat Bulaga last Saturday. Kabado man ang anak, pasadung-pasado sa magulang ang bersyon niya ng kanta.
Nasa studio rin ang isa pa nilang anak na si Miel that Saturday para samahan at magbigay ng moral support sa Ate Kakie (tawag kay Frankie) niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.