MAIPAGMAMALAKI ng Jose Rizal University Heavy Bombers ang hindi nagawa ng ibang koponan sa huling araw ng laro sa first round ng NCAA Season 92 na walang iba kundi biguin ang San Beda College Red Lions.
Sa malahiganteng upset ay sinandigan ng JRU ang gunslinger nitong si Paolo Pontejos.
Umahon si Pontejos mula sa nakakadismayang apat na puntos na paglalaro kontra Arellano University Chiefs bago itinala ng 24-anyos ang kanyang season-high 27 puntos tampok ang limang triples, apat na assists at tatlong rebounds upang tulungan ang Heavy Bombers na talunin ang Red Lions sa unang pagkakataon sapul noong second round ng Season 90.
Dahil sa kanyang matinding paglalaro ay kinilala si Pontejos bilang Accel Quantum Plus-3XVI NCAA Press Corps Player of the Week.
Naiwan sa 12 puntos sa huling yugto, umiskor ang mula Laguna ng walong sunod na puntos mula sa perpektong 4-of-4 shooting at nagbigay ng dalawang assists kabilang ang krusyal na pasa kay Tey Teodoro para sa go-ahead triple sa matinding 20-2 rally upang tapusin ang laban.
Pinahirapan din ng 5-foot-7 guard ang katapat na San Beda primary playmaker na si 6-foot Robert Bolick.
“Pagpasok ko, tambak kami pero sabi ko sa mga teammates ko, ‘never give up,’” sabi ng JRU senior. “Sa defense, kailangan lang namin trumabaho para tumagal kami sa loob.”
Dahil sa panalo ay umaasa si Pontejos na makakapagsimula ito ng apoy na hinahapan sa koponan sa unang round.
“Hopefully, ito na ‘yun kasi San Beda ang tinalo namin. Sila ang unang malakas na team na tinalo namin sa first round,” sabi nito. “Sa second round, trabaho lang. One game at a time.”
Tinalo ni Pontejos ang mahuhusay din na paglalaro nina Gab Dagangon ng Perpetual Help, Mike Nzeusseu ng Lyceum at Jiovani Jalalon ng Arellano.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.