VICKI BELO AT SCARLET SNOW
“HINDI po ba bawal ang bata lalo na kapag baby pa? Bakit ganu’n, pinayagan sila!” ang tanong ng ilang netizens na nagulat at nagtatanong kung bakit pinayagan sa studio ng It’s Showtime ang anak nina Hayden Kho at Dra. Vicki Belo?
Hindi namin napanood ang sinasabing opening number ng It’s Showtime noong Wednesday, pero marami nga ang nagparating sa amin na ilang beses pang ipinokus sa camera sina Dra. Belo at Scarlet Snow.
Hmmm, sa pagkakaalam namin ay bawal ang mga bata na manood sa live shows ng ABS-CBN lalo’t wala pa itong 10 taon.
Sinubukan naming kontakin ang aming mga kaibigan sa noontime show pero as we write this, waley pa silang ibinigay na sagot.
Hala, nagtatanong tuloy ang maraming Kapamilya fans and supporters na porke si Dra. Belo ‘yun at kilalang sponsor ng mga artista eh, exempted na sa rules and regulations na ipinatutupad ng network sa mga live shows on bringing in kids?
Hmmm, pakisagot nga po? Unless, bago na ang rule ninyo?