PAYAG si Xian Lim na itambal uli ang kanyang girlfriend na si Kim Chiu sa dati nitong boyfriend na si Gerald Anderson.
Wala naman daw nakikitang masama ang Kapamilya hunk actor kung sakaling magkasama uli ang ex couple sa isang project. Trabaho raw yun at susuportahan daw niya si Kim sa mga future solo projects nito. “Of course, oo naman, no hesitations, no doubt about it, there’s no problem,” ang pahayag ni Xian sa nakaraang media conference para sa first major concert niyang “#ADateWithXian”.
“We’re here to cater to our fans, we’re here to cater sa mga manonood sa amin and we’re just here to give them the best story possible. Yun lang talaga. “Basta galing sa puso yung istorya, para sa akin, yun na yung success. Seeing the smiles on their faces,” dagdag pa ni Xian Lim na nagsabi ring posibleng hindi na rin si Kim ang makasama niya sa susunod niyang teleserye o pelikula.
Samantala, matapos ngang patunayan ang kanyang galing sa pag-arte at tagumpay sa TV at pelikula, ipakikita naman ni Xian ang kanyang talento bilang musician sa “A Date With Xian,” na gaganapin sa KIA Theater ngayong July 9, 8 p.m.. Sa produksyon ng Star Events, ang concert ay katuparan ng matagal nang pangarap ni Xian sa kanyang walong taon sa industriya.
Kahit na busy sa iba’t ibang proyekto, very hands-on at matindi ang paghahanda ni Xian para sa kanyang concert. Sa katunayan, siya ang namili ng magiging repertoir niya. “I have the whole show pictured in my head already. I will try to play as many instruments as I can for the fans. This is something na talagang pinaghandaan at pinaghirapan namin,” ani Xian.
Tiyak namang mae-enjoy ng audience ang “A Date With Xian” dahil tampok dito ang iba’t ibang genre – mula classical, ballads, hanggang pop. Bukod pa rito, inaaba-ngan na rin ng fans ang concert dahil mapapanood din nila si Xian dito na mag-rap at sumayaw.
Mas magiging espesyal pa ang naturang concert dahil makakasama ni Xian sina Abra, Dawn Chang, Morissette, Richard Poon, at ang kanyang ka-loveteam na si Kim Chiu sa direksiyon ni Alco Guerrero at music direction ni Chino David ng Silent Sanctuary.
Para sa tickets, mag-log on sawww.ticketnet.com.ph o tumawag sa 911-5555.