HINDI na kami nagtaka nang iwasan ng mga kaibigan niyang kapwa artista ang isang kilalang aktor dahil sa sobrang kayabangan. Sa umpisa pa lang na ipakilala noon sa amin ang aktor ay hindi na talaga namin siya gusto dahil nga natunugan na naming may kahambugan ito lalo na nang mapasama pa siya sa isang reality show.
Aksidente lang namin nalamang iniiwasan din pala siya ng kanyang mga kaibigan nu’ng magtanong kami kung bakit hindi na siya kasama ng isang grupo ng celebrities sa isang showbiz event tulad noon. “Malabo kasi siya, feeling niya, siya ang pinakasikat sa grupo, e, kung tutuusin, mas sikat sa kanya ang mga kasama niya, tapos kung umasta akala mo siya bida.
“Akala niya nasa teleserye pa rin siya na kapag magkakasama kami, siya ‘yung hinihiyawan. Samantalang lahat kaming mga kasama niya, simple lang. Actually, nakakasama pa rin siya, pero umiiwas na kami, nagkataon na hindi pala siya gusto ng lahat,” paliwanag sa amin.
Susme, bago magyabang at mag-feeling ang kilalang aktor, e, ayusin muna niya ang pag-arte niya dahil hanggang ngayon ay waley pa rin siyang ibubuga. Well nag-improve naman siya kahit paano pero hindi pa rin ‘yun sapat para magyabang siya.