TAWA naman naman tawa si Jodi nang ikuwento kay Jolina Magdangal sa Magandang Buhay ang unang acting job na ginawa niya pagkatapos siyang matanggap sa Star Circle (Star Magic) noong 1997.
Ayon sa aktres unang-unang paglabas niya sa TV ay ang pagiging extra sa Star Drama Presents: Jolina, “Sobrang excited ko kasi isa na akong ganap na artista. Call time ko 6 p.m. pero kinunan ako 7 a.m. na kinabukasan.
“Nagpa-make up pa ako, retouch. Pagsakay ng kotse, sabi ni direk, ‘Sasabihin mo lang ate.’ Pagsakay ko ng kotse, sabi ko ‘ate,’ tapos niratrat kami, patay na ako,” natatawang chika pa ni Jodi. Kabadung-kabado nga raw siya sa eksenang ‘yun dahil sa ipinasuot sa kanyang props para sa barilan scene.
“’Yun ‘yung kapag binaril ka, may puputok. Takot na takot ako noon. Pero siyempre natatakot din ako na baka mapagalitan ako kapag hindi ko nagawa ng tama yung acting ng pagkamatay,” pahabol pa ni Jodi.