15 bahay naabo sa sunog sa Tondo

NAABO ang 15 bahay sa isang komunidad ng mga barong-barong na malapit lamang sa paaralan at isang ospital sa Tondo, Maynila kaninang umaga.
Sa isang ulat ng dzMM, sinasabing napabayaang kandila ang pinagmulan ng sunog na naging dahilan ng pagkasunog ng mga bahay na gawa sa mga magagaang materyales sa kahabaan ng Mayhaligue st.

Wala namang napaulat na nasugatan.
Malapit lamang ang pinangyarihan ng sunog sa Uno High School at Metropolitan Medical Center.
Hindi naman nadamay ang paaralan at ospital.
Umabot ng ikalawang alarma ang sunog at naapula ganap na alas-11:30 ng umaga.