TAMPOK sa Wagas ngayong Sabado ang isang kuwentong magpapakita sa kapangyarihan ng tunay na pag-ibig. Gaganap ang Kapuso hunk na si Martin del Rosario bilang si Arthur na buong-pusong tatanggapin ang pagkatao ni Joyce Ching bilang si Jane.
Sa mata ng ilan niyang kababayan, isang “mangkukulam” si Jane. Pero ang totoo, namana niya mula sa kanyang lola ang kapangyarihan ng pagiging “manggagamot”. Kakaiba ang kaniyang powers dahil hindi lang siya nakagagamot ng mga karaniwang sakit kundi nakagaganti rin siya sa mga nakagagawa ng masama sa pamamagitan lang ng kanyang isip.
Pero hindi naging sagabal kay Arthur ang reputasyong ito ni Jane. Minahal niya ang dalaga ng wagas at ipinadama sa kanya kung paano tanggapin nang walang panghuhusga. Abangan ang kuwentong ito sa Wagas ngayong Sabado, 7 p.m., sa GMA News TV.