ISA sa mga top contenders sa FHM 100 Sexiest Women ang GMA Artist Center star na si Kim Rodriguez na napapanood din sa serye nina Dennis at Heart.
Pero inamin ni Kim na hindi siya nag-e-expect na mag-number one. Aniya, masaya na siya na naging bahagi ng nasabing listahan dahil ang ibig sabihin nito ay may mga taong sumusuporta sa kanya at naniniwalang karapat-dapat siyang mapabilang sa 100 Sexiest.
“Hindi na ako naghahangad ng top spot. Basta I mean, makapasok lang ako, dream ko before ‘yung makarampa ako sa FHM 100 Sexiest, so excited din ako,” sey ni Kim na talagang kinababaliwan ngayon ng mga kalalakihan at katomboyan dahil angkin nitong kaseksihan.
Sabi nga ng dalaga, ngayong wala na sila ng boyfriend niya of six years, mas makakagalaw na siya ng maayos dahil wala na siyang iniisip.