Metro Manila, kalapit na mga probinsiya inulan

INULAN ang ilang bahagi ng Metro Manila at kalapit na mga probinsiya, ayon sa Philippine Atmospheric, Geophysical and Astronomical Services Administration (Pagasa).
Sa isang advisory ganap na alas-1:50 ng hapon, sinabi ng Pagasa na kabilang sa nakaranas ng malakas na pag-ulan ay ang Caloocan City at Quezon City, Masinloc, Candelaria, at Palauig sa Zambales, Rizal, Batangas, Laguna at ilang bahagi ng Bulacan, Tarlac at Quezon.
Idinagdag ng Pagasa na tumagal ng dalawang oras ang malakas na pag-ulan.
Ayon pa sa weather bureau, inaasahan din ang malakas na pag-ulan sa Cavite, Pampanga, Nueva Ecija at iba pang bahagi ng Metro Manila.