NAKAKATUWA ang ginawa ni Mayor Herbert Bautista sa topnotcher ng Alternative Learning System (ALS) na si Victorio Principe. Dating inmate si Victorio sa Quezon City Jail na nahuli noong November 2013 dahil sa pagiging runner ng drug.
Nakatapos si Victorio ng high school through ALS kahit na nakakulong. Napasok din siya sa construction dahil sa hirap ng buhay. Nakita niya ang opportunity na makatapos ng high school through ALS. “Hanggang Grade VI lang po kasi natapos ko at kailangan na huminto kasi kinailangan magtrabaho sa construction dahil wala na kaming kakainin,” say ni Victorio.
Ang paniwala ni Mayor Herbert ay dapat bigyan ng second chance ang youth offenders na katulad ni Victorio para maging productive uli sila. With this ay binigyan niya ng full scholarship (four-year course) si Victorio sa Quezon City Polytechnic University. Mabuhay ka, Mayor Bistek!