Binatilyo kinain ng leon habang natutulog sa labas ng bahay

KINAIN ng leon ang 14-anyos na binatilyo habang natutulog sa labas ng kanyang bahay sa Gujarat, India, ayon sa ulat ng Malaysia Nanban.
Nangyari ito sa plantasyon ng mangga kung saan nakatira at nagtatrabaho ang biktima at kanyang pamilya.
May ibinigay na bahay sa pamilya, bagamat madalas silang natutulog sa labas ng dahil mainit sa loob.
Ginawa nila ito sa kabila ng babala mula sa plantation manager na naglalakbay ang mga leon mula sa kalapit na gubat.
Noong Sabado, hindi makita ng pamilya ang binatilyo kayat tumawag sa otoridad.
Naghanap ang mga pulis at wildlife department personne kung saan natagpuan ang ilang bahagi ng katawan ng biktima sa iba’t ibang lugar sa gubat.
Natagpuan ang katawan ng biktima malapit sa pinagtataguan ng leon.