Street vendor wagi ng P6M jackpot
Isang babaeng street vendor sa Paranaque City ang nanalo ng P6 milyong jackpot prize ng Lotto 6/42.
Ayon kay Atty. Jose Ferdinand Rojas II, general manager ng Philippine Charity Sweepstakes Office, ang nanalo ay 32-anyos, walang asawa at nabubuhay sa pamamagitan ng pagtitinda.
Siya ang nag-iisang tumaya sa winning number combination na 4-8-14-21-23-38 sa bola noong Mayo 7.
Sinabi ng babae na kukuha siya ng puwesto sa loob ng palengke upang hindi na magpalipat-lipat ng puwesto sa gilid ng kalsada.
Tutulungan din niya ang kanyang mga kapatid na walang trabaho at bibili ng sariling bahay at lupa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.