Comelec pinalawig ang oras para makaboto sa mga polling precincts na nagkaroon ng delay

NAGDESISYON ang Commission on Elections (Comelec) en banc na palawigin ang oras ng pagboto para sa mga voting precinct na nagbukas na ng pasado alas-9 ng umaga o higit pa.
Sa isang press conference, sinabi ni Comelec Chair Andres Bautista na imbes na alas-5 ng hapon, alas-6 na ng gabi ang pagtatapos ng botohan para sa mga nagkaroon ng aberya na mga polling precinct.
Iginiit ni Bautista na ipapatupad lamang ang pinahabang oras ng botohan sa case-to-case basis.
Ito’y matapos iulat ng iba’t ibang poll watchdog ang napakaraming aberya sa mga voting-counting machines (VCM), kasama ang hindi pagtanggap sa mga balota.