Ian De Leon instant ‘superhero’ matapos iligtas ang batang naaksidente

NAGING instant hero si Ian de Leon matapos tulungan ang isang 10 taong gulang na bata na nasagasaan ng motorsiklo kamakailan. Ayon sa ina ng biktima na si Kristine Madrigal Sarmiento, labis-labis ang pasasalamat niya sa anak nina Nora Aunor at Christopher de Leon dahil sa ginawa nitong kabayanihan. Sa kanyang Facebook account, ipinagtanong pa ng ginang kung paano niya makakausap si Ian para personal na makapagpasalamat sa pagliligtas sa kanyang anak. Ito lang daw ang kaisa-isang nag-effort para mailigtas ang bata sa tiyak na kapahamakan. Narito ang kabuuan ng FB post ni Kristine Sarmiento. “Does anyone know how to get in touch with Ian de Leon, the actor and son of Nora Aunor and Christopher de Leon? “I would like to personally thank him for rushing my son, Ethan, to the emergency room after he was hit by a speeding motorcycle. “He was the only one who came to the rescue of a total stranger, while all the other people just passed by and looked at my bloody 10-year-old helpless son, who was alone when the incident happened. “Such an act of kindness should be emulated by everyone! Not too many good Samaritans around anymore. Please help me get in touch with him.” Nang makarating kay Ian ang panawagan ng ina ng bata, nag-post din ito ng kanyang mensahe sa kanyang Instagram account tungkol sa nangyari. “Maraming salamat po Ma’m Juliet. Nagkataon lang po siguro na nandun po ako nung nangyari ang accident, kahit sino naman po ang nasa lugar ko, gagawin rin po ang nagawa ko. God bless po!” Nabatid na nasa mabuting kundisyon na ngayon ang batang tinulungan ni Ian matapos itong sumailalim sa isang major surgery. Nagkausap na rin daw sina Kristine at Ian sa pamamagitan ng social media.