UNTI-UNTI nang umaalis si Aldrech Ramos sa anino ng kakampi niyang si Nino “KG” Canaleta matapos na pangunahan ang Mahindra sa maigting na panalo sa nakalipas na linggo.
Hindi naka-iskor ang 6-foot-5 na si Ramos sa first half ngunit nag-init siya sa opensa sa huling dalawang quarters para itulak sa 102-94 panalo ang Mahindra kontra Alaska.
Tinapos ni Ramos ang laro na may 25 puntos sa likod ng 11-of-15 field goal shooting. Ibinuhos niya ang 16 sa kanyang mga puntos sa final period para masungkit ng kanyang koponan ang ikaapat na panalo sa walong laban.
Nagtala rin ng pitong rebounds at isang assist ang stretch-four ng Enforcers sa larong iyon.
Dahil dito ay pinara-ngalan si Ramos bilang Accel-PBA Press Corps Player of the Week sa period ng March 22-27.
“Sabi ni coach na laruin ko lang yung game ko,” sabi ni Ramos, na dating miyembro ng Gilas.