Koreano huli sa iligal na droga sa Mactan airport
ARESTADO ang isang South Korean national matapos mahulihan ng iligal na droga at paraphernalia sa Mactan Cebu International Airport sa Lapu-Lapu City pasado alas-4 ng umaga kahapon.
Sinabi ni Airport police officer Andres Barsagas na pinigil si Lee Kyungho, 30, sa airport access road kung saan niya itinutulak ang isang pulang trolley habang papasok ng compound ng airport.
Tinanong si Lee ng guwardiya na si Jamelo Baring kung kailangan niya ng tulong at sinabi nito na kailangan niya ng pulis.
Nang nasa opisina na ng pulis, binuksan ni Lee ang kanyang trolley kung saan natagpuan ang tatlong pakete ng shabu, limang gamit na syringe| at apat na iba pang syringe na nakalelyado pa.
Idinagdag ni Barsagas na nasa impluwensiya rin ng droga si Lee.
Sinabi ni Barsagas na nasa kustodiya na si Lee ng Philippine Drug Enforcement Agency (PDEA) para sa kaukulang kaso.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.