PAOLO BALLESTEROS
HINDI pa rin nagpapaliwanag si Paolo Ballesteros kung bakit matagal na siyang hindi napapanood sa Eat Bulaga. Kahit ang TAPE management ay wala pa ring inilalabas na official statement para ipaliwanag ang nabalitang suspension order kay Paolo.
Pinuputakti pa rin si Paolo ng mga tanong mula sa netizens tungkol sa biglang pagkawala niya sa noontime show ng GMA 7, ngunit wala pa rin siyang ipino-post na sagot about this.
Hindi rin niya sinasagot ang tanong ng kanyang followers kung kailan siya babalik sa Eat Bulaga dahil miss na miss na siya ng mga manonood. May isang selfie picture na ipinost si Paolo nitong weekend sa kanyang Instagram account na may caption na na: “I miss you too mga Dabarkads! Woooh!”
Iyon lang ang naging mensahe ni Paolo simula nang mawala siya sa EB. Kahapon muling napanood ang TV host-actor sa unang Lenten episode ng noontime show kung saan nakasama niya sina Jose Manalo, Wally Bayola at Maine Mendoza.