ALDEN RICHARDS
NAKATABI namin si Laguna Cong. Dan Fernandez sa nakaraang Star Awards for Movies kung saan nanalo rin siya bilang Darling of the Press ng Philippine Movie Press Club. Ayon kay Cong. Dan, tumatakbo siya ngayon bilang mayor ng Sta. Rosa, Laguna.
Mas lalong nakilala ngayon ang Sta. Rosa dahil dito nakatira ang Pambansang Bae na si Alden Richards. Kwento ni Cong. Dan, alaga raw ng mga Arcillas, specifically, si Sta. Rosa Mayor Arlene na aspirant sa Congress ngayong eleksyon, si Alden.
“Mommy niya yun, Mommy Ofie ang tawag ni Alden. Pero hindi sila magkamag-anak. Pero si Ofie rin ang sumuporta sa kanya noon magmula Ginoong Sta. Rosa hanggang ngayon sa showbiz career niya,” lahad ni Cong. Dan.
Pero itinanggi ni Cong. Dan na ini-endorse siya ni Alden at ang iba pa niyang mga katiket sa partido, “Huwag na nating ilagay sa alanganin si Alden kasi according to GMA, hindi siya pwedeng mag-endorse. Kaya huwag na natin siyang ilagay sa alanganin,” diin pa ng aktor.