Solo second nakuha ng Mahindra Enforcers
NAGSOLO ang Mahindra Enforcers sa ikalawang puwesto matapos pataubin ang NLEX Road Warriors, 106-99, sa kanilang 2016 Oppo PBA Commissioner’s Cup elimination round game kahapon sa Smart Araneta Coliseum.
Pinangunahan ni Augustus Gilchrist ang Enforcers sa ginawang 30 puntos at 10 rebounds.
Si Nino Canaleta ay nagdagdag ng 21 puntos habang si Chito Jaime ay nag-ambag ng 15 puntos para sa Mahindra. Si Mike DiGregorio ay may 13 puntos, si Aldrech Ramos ay nagtala ng 12 puntos at si LA Revilla ay may 10 puntos para sa Enforcers na umangat sa 3-1 kartada at tinapatan ang pinakamahusay na pag-uumpisa ng prangkisa.
Pinamunuan ni Al Thornton ang Road Warriors (2-2) sa itinalang 29 puntos at siyam na rebounds habang si Sean Anthony ay nag-ambag ng 18 puntos at siyam na rebounds.
Si Paul Asi Taulava ay nagdagdag ng 10 puntos at 12 rebounds para sa NLEX.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.