MATAGAL nang binabaha ang Malabon at Navotas, lalo na tuwing mataas ang dagat (high tide). Humahalo ang alat sa tabang at pumapasok sa mga bahay sa mabababang lugar. Pero, hindi tinatamaan ng leptospirosis ang mga tao. Walang namamatay sa leptospirosis sa Malabon at Navotas. Bakit nga ba? Walang dokumentadong paliwanag at pag-aaral ang mga kawani ng kalusugan. Pero, may paliwanag ang matatanda. Humihina at namamatay daw ang mikrobyo ng ihi ng daga sa alat (dagat). *** Maraming palatuntunan si Navotas Mayor Toby Tiangco para tumino, maging malinis at kaaya-aya ang kanyang lungsod. Ang huling utos ay ang pagbabawal sa mga nakahubad sa mga sementeryo sa San Jose ngayong Undas. Ang mga pasaway ay pagmumultahin ng P200-P1000 at maglilinis sa barangay sa ilalim ng community service.
Rodrigo Manahan
BANDERA, 102309