LUIS MANZANO AT ANGEL LOCSIN
AYON sa mga report, umamin na raw ang ampon naming si Luis Manzano na mayroon silang pinagdaraanan ngayon ni Angel Locsin.
Pumutok ang tsikang nag-break na ang dalawa na nataon pa sa pagsisimula ng Pilipinas Got Talent kung saan host si Luis at judge naman si Angel. Bukod pa nga rito ang ang latest film ng aktres na “Everything About Her” kasama ang aming idol friend na si Gov. Vilma Santos.
Grabe ang mga nasasagap naming tsismis tungkol sa rason ng kanilang pinagdaraanan, isa na nga rito ang usapin tungkol sa muling pagtanggap daw ni Angel sa “Darna” movie. May tsismis pa na kumalas na rin daw ang aktres sa manager nitong si Manay Ethel Ramos, na noong huli naman naming nakatsika ay tuwang-tuwa pa sa box-office outcome ng latest film ng Star Cinema.
Well, hangga’t walang nagsasalita kina Luis at Angel ay hindi matatapos ang isyu ng kanilang break-up.
Nakakalungkot lang malaman na after nilang magbalikan ay sa ganito pa rin pala mauuwi ang lahat.
Mukhang pinaglalaruan talaga sila ng tadhana.