Balita naming napaka-smooth sailing ng taping ng Be My Lady, ang isa sa mga pambatong soaps ng ABS-CBN this year.Wala raw kasing kapruble-problema among its stars, lalo na kina Erich Gonzales at Daniel Matsunaga na lumalabas ang sobrang kaswitan kapag break na o wala na sa harap ng kamera.
Effortless nga raw ang mga kilig moments ng dalawa sa kanilang mga eksena. At extended pa nga raw yan kahit tapos na ang kanilang taping. “Bigla na lang silang magki-kiss, magyayakapan, magpapabuhat si babae, sasandal si lalaki.
Magtatawanan. Masaya lang sa set,” sey ng aming kausap. Kaya naman daw this early ay nasasanay na ang buong produksyon sa mga PDA moments ng dalawa.
And yes, kahit daw ang mga supporting players gaya nina Janice de Belen at Priscilla Meirelles ay smooth na smooth din ang mga eksena together at wala raw naglalakas-loob na lagyan ng intriga ang past and present girls sa buhay ni John Estrada.