HINDI na nakatiis si Heart Evangelista sa mga ginagawang pambu-bully ng ilang bastos na netizen kay Sen. Grace Poe kaya ipinagtanggol na niya ito sa pamamagitan ng kanyang social media accounts.
Nagkomento rin ang Kapuso actress laban sa mga politiko at mga grupong pilit humaharang sa kandidatura ng running mate ng kanyang asawang si Sen. Chiz Escudero sa darating na 2016 presidential elections.
“Why are they being so unfair to Sen. Grace and to all of us? We have the right to vote who we want and not only for who is left,” tweet ni Heart sa kaniyang 1.1 followers sa Twitter. “Wishing everyone love and peace this Christmas and New Year. #NoToBullying,” ang magkasunod na tweet ni Heart.
Kung matatandaan, bago matapos ang 2015, pinigilan ng Supreme Coutr ang Comelec na idiskwalipika si Grace na kandidato sa pagka-pangulo sa halalan sa Mayo. Tiwala naman si Grace na hahayaan siya ng korte na lumahok sa sa eleksyon.
“Tinuruan ako ng tatay ko na manalig sa katotohanan, at hangga’t maari talagang ipaglaban ito. Tinuruan din n’ya kong magtiwala sa batas, dahil ang sabi n’ya, kung walang batas, walang makakapitan ang ating mga kababayan,” sabi ni Grace patungkol sa namayapang amang si Da King Fernando Poe, Jr.
Tinangka ring pigilan si FPJ ng mga kalaban sa pulitika na tumakbong pangulo noong halalan ng taong 2004 sa pamamagitan ng mga disqualification case.