Wagi sa X Factor parangalan sa Kamara

Naghain ng resolusyon ang isang solon upang papurihan si Cyrus Villanueva na nanalo sa X Factor Australia.
Sinabi ni Paranaque Rep. Eric Olivarez na dapat kilalanin si Villanueva na isang Filipino-Australian singer.
Si Villanueva ay 19 na taong gulang at nag-aaral ng graphic design sa Laredo Community College, Laredo, Texas. Mga musician ang kanyang mga magulang.
“For and in the consideration of the foregoing factual milieu, we the undersigned members of the House of Representatives hereby resolve to express our humble and sincere acknowledgment and congratulations to Mr. Cyrus Villanueva,” ani Olivarez sa House Resolution 2542.
Tinalo ni Villanueva sa kompetisyon sina Jess Dunbar, Matt Price at Louise Adams matapos kantahin ang Wicked Games ni Chris Isaak.
Siya ang ikalawang Filipino-Australian na nanalo sa naturang kompetisyon. Ang una ay si Marlisa Punzalan, na mula sa Bataan, at nanalo noong nakaraang taon.