Joey de Leon tinanong si Ryzza Mae: Kailan kayo mag-uusap ni Kim Chiu?
HINDI napigilan ng TV host-comedian na si Joey de Leon ang usisain ang kapwa “Eat Bulaga” host na si Ryzza Mae Dizon hinggil sa “isyu” sa pagitan nila ng “It’s Showtime” host na si Kim Chiu.
Ito ay kasunod ng pagkumpirma ni Bossing Vic Sotto sa imbitasyon ni Vice Ganda na magkita sila nang personal at mag-usap sa darating na Linggo, July 5, ng bandang 4:00 ng hapon sa Cubao.
Matapos ang pagkasa ni Bossing sa paanyaya ni Vice, bumaling naman si Joey sa kasamahang si Ryzza Mae.
“Si Ryzza,” panimula ng Henyo Master.
Baka Bet Mo: Joey De Leon tinalakan ng netizens, ABS-CBN hindi na raw uso?
View this post on Instagram
“Kailan kayo mag-uusap ni Kim Chiu?” dugtong pa ni Joey.
Sa halip na sagutin ang tanong ay tumawa na lamang si Ryzza at nag-hi.
Nag-ugat ang pang-uusisa ni Joey kay Ryzza patungkol kay Kim dahil sa naging mainit na topic sa social media kung saan pinagsabihan ng netizens ang Kapamilya actress tungkol sa tila below-the-belt na banat patungkol kay Ryzza.
Sa kabila ng pag-trending ay walang direktang pahayag si Kim at Ryzza hinggil sa isyu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.