Duterte inaming nakapatay ng 3 kriminal sa Davao City
INAMIN ni Davao City Mayor Rodrigo Duterte na tatlong kriminal ang kanyang napatay sa Davao City.
“Marami na,” sabi ni Duterte nang tanungin sa DZMM kung may napatay na siya.
Idinagdag ni Duterte na tatlong kidnapper ang kanyang napatay matapos ang isang operasyon.
“One time, may kinidnap silang babae, so binigay ng pamilya yung pangalan ko. I was there sa vicinity,” dagdag ni Duterte.
Aniya, pinasusuko niya ang mga kidnapper ngunit hindi siya pinakinggan.
“Sabi ko, taas kamay. Hindi tinaas, so binaril ko,” ayon pa kay Duterte.
Kasabay nito, sinabi ni Duterte na papayagan niya ang mga pulis na pumatay ng mga kriminal.
“Sinasabi ko sa mga pulis, ‘pag gumawa kayo ng masama, mauuna talaga kayo,” sabi pa ni Duterte.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.