P145M jackpot sa bukas

Inaasahang aabot sa P145 milyon ang jackpot prize ng Super Lotto 6/49 bukas.
Ayon kay Atty. Jose Ferdinand Rojas II, general manager ng Philippine Charity Sweepstakes Office, walang tumaya sa lumabas na numerong 7-37-9-35-1-30 sa bola noong Linggo.
Umabot sa P137.8 milyon ang jackpot prize ng Super Lotto sa bola noong Linggo.
Nanalo naman ng tig-P42,340 ang 44 mananaya na nakakuha ng limang numero. Tig-P710 naman ang 2,099 mananaya na nakaapat na numero. Balik naman ang P20 taya ng 36,698 mananaya na nakatatlong numero.
Ang Super Lotto ay binobola tuwing Martes, Huwebes at Linggo.