P107M jackpot bukas na

Inaasahang aabot sa P107 milyon ang jackpot prize ng Super Lotto 6/49 mamayang gabi (Martes).
Ayon sa Philippine Charity Sweepstakes Office walang tumama sa P99.3 milyong jackpot prize sa bola noong Linggo kung saan lumabas ang number combination na 27-12-38-20-6-25.
Nanalo naman ng tig-P27,090 ang 52 mananaya na nakakuha ng lima sa anim na numerong lumabas.
Tig-P500 naman ang 2,246 mananaya na naka-apat numero at balik-taya naman ang 35,672 mananaya na nakatatlong numero.
Ang Super Lotto ay binobola tuwing Martes, Huwebes at Linggo.