Musang, sex toys, airsoft guns natagpuan sa loob ng Bilibid

HINDI lamang mga gadget at mga baril ang nadiskubre sa loob ng New Bilibid Prison (NBP) matapos ang isinagawang raid.

Nakumpiska rin ang isang musang kung saan ang dumi nito ay maaaring gawing kape, na siyang pinakamahal sa buong mundo.

Tinatayang 18 grupo ng pinagsanib na puwersa ng Bureau of Corrections (BuCor) SWAT at Philippine Drug Enforcement Agency (PDEA) ang nagsagawa ng raid.

Bukod sa pusa, nakumpiska rin ang mga sex toy, drug paraphernalia, at mahigit 60 na mga matatalim na sandata, LCD TV at isang personal na refrigerator.

Natagpuan din ang mga cell phone, charger, iba’t-ibang sandata at airsoft guns.

Nakakumpiska rin ang mga otoridad ng kabuuang P140,000 na tig- P1,000 denominasyon.