HOW true ang sitsit sa amin ng isang taga-ABS-CBN na may meeting si Kris Aquino kagabi sa Star Cinema executive na si Malou Santos para ayusin ang problema nila tungkol sa pelikulang pagsasamahan nila ni Herbert Bautista na “All We Need Is Love” na entry sa Metro Manila Film Festival 2015.
Nasulat namin dito sa BANDERA kahapon na kino-consider sina Richard Yap at Jodi Sta. Maria na kapalit nina Kris at Bistek, pero mukhang malabo dahil nga ngarag si Jodi sa ta-ping ng Pangako Sa ‘Yo bilang si Amor Powers.
At kinokorek din namin ang aming nasulat na hanggang Disyembre pa ang Nasaan Ka Nang Kailangan Kita dahil magtatapos na pala ito sa Biyernes. May kasunod na project daw kasi si Richard kaya malabong gawin niya ang pelikulang dapat kina Kris at Herbert.
Nang mabasa ng loyal supporters nina Ser Chief at Maya na posibleng sila ang ipalit sa nasabing Star Cinema entry sa MMFF ay talagang nagbunyi sila at hindi sila nag-agree sa sinulat naming baka hindi na tangkilikin ang tandem ng dalawa dahil nga si Ian Veneracion na ang leading man ngayon ni Jodi sa PSY.
Narito ang ilang mensahe sa amin ng loyalistang fans nina Richard at Jodi: galing kau @cyberchwirrer, “@bonoanbangus I would also like to express my opinion about the Richard-Jodi tandem.
They may not be together in a project now but they still have a big fan base. We may have supported them in their ‘team-ups’ with Ian (Veneracion) and Vina (Morales) but our loyalty remains with them.
“We, the Jo-Chards, have been consistent in clamoring for their reunion project. Now, if you’ll ask my opinion as to whether a Richard-Jodi will still be a hit- YES, without a doubt.
Thank you for your time. I just hope we correct all misinformation and that you value our opinion.”
Sabi naman ni @astetiks, “Nu’ng ASAP po sa Binan, mas nagka-impact pa sa fans ang picture nina Richard & Jodi than the performance of Jodi and Ian.”
Nakiayon naman ang ibang supporters nina Richard at Jodi na hindi na namin ilalagay dahil baka maubusan kami ng espasyo dahil iisa naman ang sabi nila, “Agree, libu-libo na ang likes at reposts ng Jodi-Richard picture na yun.”
Sabagay, dapat sana ay ang Be Careful With Your Heart lead stars ang bibida rin sana sa entry ng Star Cinema noong 2014 kaya lang ay naipit sila sa pagtatapos ng serye nila noong Nobyembre.