P223M jackpot sa Ultra Lotto sa Biyernes

Inaasahang aabot sa P223 milyon ang jackpot prize ng Ultra Lotto 6/58 sa bola nito sa Biyernes.
Ayon sa Philippine Charity Sweepstake Office walang nanalo sa P216.9 milyong jackpot prize ng Ultra Lotto sa bola noong Linggo kung saan lumabas ang number combination na 6-34-18-49-54-4.
Anim naman ang tumama ng tig-P246,240 matapos makuha ang lima sa anim na numerong lumabas.
Nanalo naman ng tig-P2,300 ang 512 mananaya na nakaapat na numero at balik-taya (P20) ang 13,689 mananaya na nakatatlong numero.
Nagkakahalaga ng P20 ang taya sa bawat anim na numerong kumbinasyon. Binobola ang Ultra Lotto tuwing Biyernes at Linggo.