BONGGA ang Viva Films at ang kanilang partner cinemas dahil isang unprecedented move ang nakatakda nilang gawin para sa isang local film sa pamamagitan ng tinatawag na advance ticket selling simula ngayong araw.
Ito’y para sa monumental epic bioflick na “Felix Manalo”. Pinamahalaan ng multi-award-winning director na si Joel Lamangan sa pangunguna ng versatile actor na si Dennis Trillo sa lead role ng Iglesia ni Cristo founder at first executive minister na si Ka Felix Manalo, ang napakainit at pinakapinag-uusapang pelikula ay kaliga o kahanay na ngayon ng foreign blockbuster movies gaya ng “The Avengers,” “Twilight” at “Hunger Games” series dahil sa hakbang na ito.
Ang nasabing advance ticket selling ay available sa mahigit 300 na sinehan sa buong bansa nationwide para maayos at makaiwas ang mga gustong manood ng “Felix Manalo” sa pagsisiksikan sa opening day, Oct. 7.
Ang premiere night na gaganapin sa Oct. 4 sa 55,000-seater Philippine Arena sa Bocaue, Bulacan, ay inaasahang dadaluhan ng 30,000 to 40,000 guests. Kabilang sa numerong ito ang mahigit 100 artistang may special roles sa pelikula.
Ang mala-higanteng okasyon, na mapapanood sa isang five-storey high (120 meters by 40 meters) screen, ay naglalayon ding magtala ng dalawang Guinness Book of World Records para sa largest audience attendance in a film premiere at film screening.
Ilan sa makakasama ni Dennis sa pelikula ay sina Bela Padilla, Gabby Concepcion, Richard Yap, Mylene Dizon, Yul Servo at marami pang iba.