Jackpot ng ultra lotto aabot ng P210M sa Biyernes
Inaasahang aabot sa P210 milyon ang jackpot prize ng Ultra Lotto 6/58 sa Biyernes.
Ayon sa Philippine Charity Sweepstakes Office walang tumaya sa mga lumabas na numerong 11-43-04-09-13-30 sa bola noong Linggo.
Umabot sa P204.3 milyon ang jackpot prize noong Linggo. Nagkakahalaga naman ng P27.5 milyon ang halaga ng itinaya sa naturang bola.
Nanalo naman ng tig-P65,630 ang 21 mananaya na nakakuha ng lima sa anim na numerong lumabas. Tig-P790 naman ang napanalunan ng 1,389 mananaya na naka-apat na numero at balik-taya (P20) ang 25,270 mananaya na nakatatlong numero.
Ang Ultra Lotto ay binobola tuwing Biyernes at Linggo. Nagkakahalaga ng P20 ang taya sa bawat anim na numerong kumbinasyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.