Billy: Gusto ko nang pakasalan si Coleen!

HANDANG-HANDA na si Billy Crawford na pakasalan si Coleen Garcia.

Ito ang diretsong sinabi ng TV host-actor nang tanunging kung nag-propose na siya sa kanyang girlfriend. Ani Billy, kahit anong oras ay pwedeng-pwede na siyang lumuhod sa harap ni Coleen at yayain na itong magpakasal.

Pero ayon sa binata, alam niyang hindi pa handa si Coleen na magpatali sa kanya dahil marami pa itong gustong gawin sa kanyang career.

Sa interview ng Aquino & Abunda Tonight noong Biyernes, ready na siyang bumuo ng sariling pamilya kasama si Coleen pero hindi naman daw ganu’n kadali ang magpakasal lalo na’t mas bata sa kanya ang dalaga.

“To be honest, I would love to (mag-propose). I would definitely love to take that step. But of course, doon kami papunta. “Pero the fact is ang dami pa niyang pangarap na gustong maabot and she’s only 23.

Pero iyon lang ang sinasabi ko, I will always be here for her regardless of what it is and I’ll always wait. But when the time comes and I feel the time is right, I definitely won’t hesitate,” pahayag pa ni Billy.

Inamin din ng binata na apektado siya sa napanood niyang love scenes nina Coleen at Derek Ramsay sa pelikulang “Ex With Benefits”, “Sino ba naman ang boyfriend na hindi magseselos?

“I would definitely be  lying. But the thing is ang kakaiba dito is professional si Derek and he’s a good friend of mine. And I’m very thankful that it was done with class,” depensa ng binata.

Ayon pa kay Billy, mula nang dumating si Coleen sa buhay niya ay napakalaki na rin ng ipinagbago niya, “I changed myself for her. Hindi na ako naninigarilyo, hindi na ako umiinom and pumayat ako because of her.”