KUNG ikaw kaya ang tatanungin kung gusto mo bang i-delay ang pagkikita nina AlDub, gugustuhin mo kaya ito?
Maaring hindi at maaari rin namang oo dahil you want kilig pa more!
Sa ginawang poll ng Inquirer.net na may tanong na: ” How much longer will TV audiences be willing to wait for Alden and Yaya Dub to finally meet?,” majority sa mga sumagot ang nais na huwag munang magkita ang dalawang pangunahing tauhan ng sinusubaybayang kalyeserye sa tanghali sa Eat Bulaga.
Sa 14,426 netizens na nagsiboto, 45.2 porysento nito o 6,520 ang sumagot na kaya pa nilang magtiis sa paghihintay nang pagkikita nina Alden Richards at ng dubsmash sensation na si Maine Mendoza aka. “Yaya Dub”.
Wala namang “paki” ang 44.16 porsyento o 6,370 respondents kung magkita man sila o hindi dahil ang inaabangan nilang noontime show ay ang kalabang “It’s Showtime”.