Carlo J kinukuha si Andi para magbida sa Angela Markado

BALITA ko’y back to movie production ang mahal nating box-office couple na sina Direk Carlo J. Caparas and actress-producer Ms. Donna Villa.

Matagal na silang nami-miss ng movie industry dahil sa kakaiba nilang pag-aalaga sa mga nakakatrabaho nila sa industriya.

Ibang klase kasi silang magmahal, mag-aruga at tumulong sa amin – from the stars to the staff alike. Napaka-generous nila and ramdam mo ang sincerity bilang producers and friends.

Ngayon ay sisigla muli ang movie industry dahil magsisi- mula na yata sila for a new movie project at nasa pre-production stage na nga ito.

Tulad ng mga nasulat na sa ilang pahayagan, yes, they are talking to Viva Films para kunin si Andi Eigenmann sa kanilang big project, ang remake ng classic movie na “Angela Merkado” na talaga ipinagmamalaki ng original star ng film na si Ms. Hilda Koronel.

I hope na tanggapin ni Andi ang offer dahil tiyak pang-award na movie ito. Puspusang inaayos ni Direk Carlo ang script nito and final casting.

Napakasuwerte ng mga makakasali sa movie na ito. Comeback film kasi ng mag-asawa ito kaya tiyak na bobonggahan nila ito.

Knowing Direk Carlo J. at lalo na ang wife niyang si Inday Donna, hindi magpapatalbog iyan. And when they start, siguradong tuloy-tuloy iyan. Hindi kasi sila yung tipong pang-one shot deal lang.

Kaya nga sila so well-loved by the industry, no! Kung sabagay, napakarami na nilang napatunayan sa movie industry – sila ang nagpauso ng massacre films kung saan sumikat nang husto ang ka- tulad ni Kris Aquino.

Welcome home, Inday Donna and Direk Carlo J! Miss you so much! Mwah!