Planado na ang pagpunta nina Ai Ai delas Alas at Jiro Manio sa Japan. Ito’y may kinalaman pa rin sa tunay na ama ng dating child actor na nasa Japan na matagal nang gustong makilala at makita ni Jiro.
Sa Instagram account ng Comedy Queen, ipinost nito ang ilang litrato kung saan makikitang nagpapa-pictorial si Jiro para sa visa application nito sa Japan.
Naipangako ng komedyana sa kanyang anak-anakan na hahanapin niya ang Japanese father ng binatang ama para magkita na sila.
Ayon sa IG post ni Ai Ai, “Yan na po sya ngayun araw na ito. Visit ko sya at medyo malusog sya so i da diet daw… Dinala ko sina kuya from PICTURE CITY ( thank you at pinagbigyan nyo ako sa special case na ito hehe) para sa kanyang japan visa picture.
“Pero unahin ko muna ayusin passport nya. Sana DFA HELP DIN NILA AKO HEHE) Syempre may drama mode na naman —- jiro: ma bakit nangingitim ilalim ng mata mo.
Sabi ko kasi pagod ako nag gym ako. “SABI NYA: WAG MO KASI AKONG MASYADONG INTINDIHIN UNAHIN M SARILI MO. Pucha naman d ko napigilan luha ko.
Ending pinagtatawanan ako ni darling at ni jiro… Hahaha hay naku dramedy na naman kakaloka.
“Pag nanay talaga mga ganyang eksena nakakaiyak pa din hay …nakooooo kakaloka atleast sa mga salita nya nakikitaan na ng linaw na gumagaling na sya.. Praise GOD… To GOD BE THE GLORY! AMEN.”
Dagdag pa ng komedyana, mabilis ang recovery ni Jiro mula nang pumasok siya sa isang private rehabilitation facility kaya mas mapapabilis din ang pagpunta nila sa Japan.