MASASAKSIHAN na ang tinaguriang Final Battle ng Kapamilya heartthrobs na sina Richard Yap at Enchong Dee ngayong Linggo sa pagtatapos ng kanilang Wansapanataym special na My Kung Fu Chinito.
Sa pagtuklas nila sa kasamaan ni Mr. Chua (Atoy Co), magsasanib-pwersa ang mag-ama na sina Chairman Tai (Richard) at Diego (Enchong) upang matuldukan ang mga krimen sa kanilang lugar.
Magtagumpay kaya sina Chairman Ta at Diego na manapanitili ang katahimikan at kapayapaan sa kanilang bayan? Maituturo nga ba nila kay Mr. Chua na higit na mas mahalaga ang pagmamahal ng pamilya kaysa sa kayamanan at kapangyarihan?
Kasama rin nina Richard at Enchong sa kanilang “Wansapanataym” special sina Rio Locsin, Marina Benipayo, Sofia Andres, David Chua, Mutya Orquia, at Clarence Delgado.
Ito ay sa ilalim ng panulat ni Mariami Tanangco Domingo, at direksyon ni Erick Salud. Huwag palampasin ang ‘Final Battle’ nina Richard at Enchong sa Wansapanataym Presents My Kung Fu Chinito ngayong gabi na sa ABS-CBN.