Gretchen proud mistress: Maligaya ako bilang kabit ni Tonyboy!

GRETCHEN BARRETTO

MATAPANG na sinagot ni Gretchen Barretto ang mga kontrobersyang ibinato sa kanya ng ilang bashers nang mag-live siya sa Instagram nitong weekend. Ito’y matapos siyang mag-apologize kay Jo Ann Mula, ang letter sender na pinagtawanan niya at ng kanyang mga kaibigan dahil sa kahilingan nito.

Isa sa mga diretsong sinagot ni Greta ay ang pagiging other woman ni Tonyboy Cojuangco na kasal pa rin sa kanyang first wife. Narito ang ilang bahagi ng pahayag ng aktres sa kanyang IG Live.

“Mga kaibigan, you can accuse me of many things, nasty things. Puwede niyo akong sabihing malandi, I will accept it. Sasabihin niyo akong baduy, bagong yaman, I will accept it. Marami po kasing nag-i-stop sa akin, sa kadaldalan ko, but I’m on a roll. I want to say this.

“Sasabihin nilang kabit, aaminin ko for the past 23 or almost 24 years, opo, kabit po ako ni Tonyboy Cojuangco. I never denied it.”

Dagdag pa niya, “If you threw that at me five years ago, maglulupasay po ako. Halos magpakamatay po ako sa sakit sa aking dibdib pag tinatawag niyo akong kabit. But right now, after 23 lovely years with my Tonyboy, you can call me kabit and I will tell you, I am happily his kabit. I am happily his mistress.”

Pahabol pa niya, “I have a man who loves me unconditionally. Yes, it is true. Maybe I will never be married with him. Maybe he will never marry me. Maybe I will never have that dream to walk down the aisle and have that fabulous gown. But who cares?”

Ibinahagi rin niya ang isang cute conversation nila ni Tonyboy, “Sabi ko, ‘Dada, they said I’m a gold-digger, I’m your kabit.’ Sabi niya, ‘Baba, you did not dig gold. I handed it to you. Now, can I have it back?'”
Sagot naman daw niya, “I said, ‘No way!’ I said, ‘Now, you have to dig it back!’ Hindi, loko lang.”