Korina sumugod sa New York, kinulit si Pia tungkol kay P-Noy

Hindi ang pamamasyal o para ma-experience ang winter sa New York City, USA ang dahilan ng pagpunta ni Korina Sanchez-Roxas doon pagkatapos nitong ise-celebrate ang Bagong Taon sa Pilipinas kapiling ang asawang si Mar Roxas.

Balik-trabaho na uli ang award-winning broadcaster. Yes bossing Ervin, nasa ikalawang araw palang ng Enero, 2016 ay lumipad na pa-NYC ang Rated K host para personal na makapanayam si 2015 Miss Universe Pia Wurtzbach na eksklusibong mapapanood sa Linggo, sa ABS-CBN.

Ilan sa mga litrato na ipinost ni Korina sa kanyang social media accounts ay makikitang balot na balot siya na may caption na, “In New York for work and loving the break and the cold temperature.”

At dahil nasa vicinity na rin lang si ate Koring ay pinanood na niya ang musicale play ng kababayang si Lea Salonga na “Allegiance” sa may 1681 Broadway, NY.

Nag-post si Koring ng Playbill ng Allegiance at picture nila ng international Broadway Star, “Watched Lea Salonga’s new musicale, Allegiance. I thought it was good. Compelling, great story.

One critic hailed Lea as one of the “top three best voices in Broadway history. Ha, ha, ha I’m such a fan.” Nagkita nga rin doon sina Ms. K at Pia at nag-selfie muna bago nag-umpisa ang panayam.

Isa-isang ibinato ni Koring kay Pia ang mga tanong na, “Mabigat ba ‘yang crown? Totoo ba ang mga diamonds? Has P-Noy (President Noynoy Aquino) called you up yet? Are you still friends with Miss Colombia?” Lahat ng sagot ni Pia ay mapapanood sa Rated K, this Sunday.

Kasama rin si Dyan Castillejo na nag-interview kay Pia para sa Umagang Kay Ganda. Si Dyan din ang nag-cover ng nakaraang Miss Universe pageant sa Las Vegas, Nevada.

Muling nag-post ang Rated K host ng litrato nilang tatlo nina Dyan at Pia habang namamasyal sa famous Central Park sa New York na may caption na: “What a beautiful day in the city and what a great walk with Miss Universe Pia Alonzo Wurtzbach in Central Park.

Here with Dyan Castillejo. People recognize her wherever we went asking for photos with her. She is a true international star.”