Sulat mula kay Jhona ng San Miguel, Liloy, Zamboanga del Norte
Dear Sir Greenfield,
Grumadweyt po ako ng kursong Accountant at kumuha ako CPA board exam last year 2014, kaya lang ay hindi ako nakapasa. Kaya naisipan kong sumangguni sa inyo upang itanong kung halimbawang sa susunod na taong 2016 ay muli akong kukuha, makakapasa na kaya ako? At may tsansa rin kaya na makapag-abroad ako, kasi sa ngayon ay nasa Canada ang ate ko at kapag nakapasa raw ako sa board exam ay kukunin niya raw ako sa kanilang opisina. May “travel line” din ba sa aking palad at may chance kaya na ako ay makapag-Canada? October 15, 1989 ang birthday ko.
Umaasa,
Jhona ng Zambonga del Norte
Solusyon/Analysis:
Palmistry:
May malinaw na Travel Line (Illustration 1-1 arrow 1.) sa iyong palad. Ibig sabihin makapasa ka man o hindi sa CPA board exam sa susunod na taong 2016, walang dudang makakapag-abroad ka pa rin at magkakaroon ng isang masagana at mabungang pangingibang bansa.
Cartomancy:
Queen of Diamonds, Seven of Clubs at Eight of Diamonds ang lumabas (Illustration 1.). Ang mga baraha ang nagsasabing sa taong 2017 magsisimula na ang iyong suwerte at magandang kapalaran hindi lamang sa career kundi pati na rin sa pangingibang bansa sa tulong ng isang babae na dili’t iba ay ang ate mo na nasa Canada.
Itutuloy…