Mabuti pa sina Jennylyn Mercado at papa Dennis Trillo, stay put lang ang drama nila sa kanilang pagbabalikan.
Kung totoo ngang magdyowa na sila uli, aba’y tiyak na natural na natural lang ang akting nila sa bago nilang serye sa GMA na My Faithful Husband.
Ayon sa mga nakakausap naming may kunek sa dalawang Kapuso stars, talagang nagbalikan na nga ang dalawa but they opted to keep silent about it para iwas intriga nga naman.
Kung tuluyan nang kinain ni papa Dennis ang kanyang dating pronouncement na wala siyang binabalikan na ex, puwes, puwede naman niyang sabihin na bago uli ang lahat sa kanila ni Jen.
Bago niya itong niligawan, bago rin ang mga pagsubok na dinaanan niya, at bago ang mga emote nila sa isa’t isa.
Kitang-kita nga raw sa mga eksena nila sa My Faithful Husband ang katotohanang they are again playing beautiful music together.