Ayon sa text message na natanggap namin mula sa unknown sender, may plano na raw magpakasal sina Lloydie at Angelica, at mukhang seryosohan na raw talaga ang kanilang relasyon.
Ayon sa text, may kinausap na raw si John Lloyd para sa engagement ring na ibibigay niya kay Angel.
Sabeeee!? May ganu’n talaga agad? May kasalan nang magaganap, e, hindi pa nga sila diretsahang umaamin sa kanilang relasyon? Nakakaloka ang tsismis na ito, ha!
Pero sa kabilang banda, nasa wastong edad na naman sina Lloydie at Angelica para bumuo ng sariling pamilya, wala namang masama kung bigla-bigla silang magpakasal, pero parang ang bilis-bilis naman, di ba?
Baka naman nagbibiruan lang sila tungkol sa kasal, baka may nakarinig lang na nag-uusap sila tungkol sa wedding, pero ‘yung sila mismo – agad-agad talaga? Tsaka, parang hindi naman ganu’n ang style ni Lloydie, actually, nitong nakaraang linggo nga lang, sa isang presscon, hindi pa rin madiretso ng aktor ang sagot kung sila na talaga ni Angelica, e.
Paliguy-ligoy pa rin ang mga naging pahayag niya.
Nu’ng tanungin daw kasi siya tungkol sa interview sa kanya ni Boy Abunda sa The Buzz na may kinalaman nga kay Angelica, bakit daw hindi pa niya masabi na girlfriend na niya ang aktres?
“Parang nakikita naman nu’ng mga tao yun, e.
Parang may mga salita lang akong binigkas, parang hindi naman issue, hindi big deal.
Parang hindi rin naman tanga ang mga tao. Makikita nila kung anong nakikita nila.
Hindi naman sikreto ‘yun.” O, di ba? Wala pa ring pag-amin.
Ang tanong nga ng bayan, hindi ba raw proud sina Lloydie at Angelica sa relasyon nila?
Kailangan ba talaga nilang lituhin ang publiko?
Kailangan ba talaga nilang magtago pa sa kadiliman?
Ha-hahaha! Kadiliman talaga!