Diretsong inamin ni Claudine Barretto na hindi lang si Mark Anthony Fernandez ang naging boyfriend niya sa members ng grupong Gwapings.
Ayon kay Claudine, walang masyadong nakakaalam sa naging relasyon nila noon ni Eric Fructuoso. Inamin ito ng aktres sa Gandang Gabi Vice last Sunday.
“Isa na lang nakumpleto ko na ang Gwapings,” biro ni Claudine sa host ng programa na si Vice Ganda nang matanong nga kung sino pa ang naging boyfriend niya sa showbiz.
Ang isa pang miyembro ng Guwapings ay si Jomari Yllana. Samantala, ibinalita rin ng estranged wife ni Raymart Santiago na tuluy-tuloy na ang shooting para sa comeback movie niyang “Etiquette for Mistresses” kung saan kasama niya sina Kim Chiu at Kris Aquino.
“I’m so happy I’m back (sa Star Cinema). First love ko ang showbiz, ang pag-aartista, nagkataon lang na kinailangan kong mag-stop para makatutok ako sa mga anak ko.
Kapag may anak ka magbabago lahat ng priorities mo. Ngayong nakita ko na okay na sila, pwede na sila iwan paminsan-minsan,” chika ni Claudine.