Ang mga pinakasikat na mga artista ng Kapamilya network ay malapit mo nang mapanood sa first-of-its-kind na mga movie na tanging sa mobile devices niyo lang makikita.
From Star Cinema, pinagsama-sama ng ABS-CBNmobile ang mga magagaling na artista at batikang director para gumawa ng natatanging pelikula para sa Star Flix.
At sa unang tampok ng Star Flix na ito ay ang blockbuster tandem nina Kim Chiu at Xian Lim at direk Mae Cruz-Alviar. Ito ang pinakaaabangang comeback ng dalawang popular na artista sa direksyon ng isa sa mga pinakamagaling na direktor. Nagsama sila sa mga blockbuster movie na “Bride for Rent” at “Past Tense.”
Nagsimula nang mag-shooting sina Kim at Xian para sa pelikulang ito. Trending na ito agad sa mga social media sites kaya talagang ngayon pa lang ay inaabangan na ang nasabing pelikula ng netizens.
Ang ABS-CBNmobile pinakaunang mobile phone service na naglabas ng mga exclusive content na di makikita sa TV o kahit saan man. Kasama na dito ang Team Gonzaga ng magkapatid na Toni at Alex Gonzaga, I Do mobisodes, Dear MOR, at Invasion of Privacy.
Nauna rin ang ABS-CBNmobile mag-offer ng live streaming ng Kapamilya shows, pati na rin ang mga nakaraang episodes ng mga palabas na ito para mapanood ng subscribers sa kanilang mga smartphones.