Nasulat namin dito sa BANDERA kamakailan ang pagtataray ni Rhap Salazar sa non-singers na nagli-lip synch sa telebisyon.
Umani ng batikos si Rhap mula sa netizens at sa ibang entertainment press at sinabing “bitter” lang ang bestfriend ni Jed Madela dahil nga hindi nabebenta ang album niya at wala rin siyang projects ngayon.
Ipinagtanggol ni Gary Valenciano si Rhap at nauunawaan daw niya ang damdamin nito. “Rhap is incredibly young talented singer, siguro napansin lang niya na it’s been happening again and again na nabibigyan talaga ng supposedly non-singers ‘yung pagkakataon na maging singers.
“And to be honest with you, I don’t know how to categorize rin, sabihin natin ‘yung mga non-singers na singers na rin ay naririnig ko rin mismo sa kanila na, ‘Hindi ko nga alam kung bakit ako ang pinili, hindi naman ako singer.’
“So, I know that Rhap is singing something from his own experience perhaps ‘yung iba’t ibang frustrations din niya na he’s really a good singer na kasama siya sa 5th Gen.
“I think he is the reflection of many other singers na nag-aabang lang sa tabi. I think Rhap is reflecting his frustrations because he is not getting any younger, he’s getting older every day, every year, every season, so I understand where is he coming from,” paliwanag ni Mr. Pure Energy.
May punto naman din ang mga pahayag ni Gary, pero naisip din kaya niya na maski na anong push kay Rhap ay hindi rin talaga bumebenta o hindi napapansin ang album niya?
Alam namin na binigyan na siya ng chance noon, pero wala ring nangyari at mas tinatangkilik ng fans o supporters ang mga idolo nilang tinatawag ng iba na singer-singeran. Sabi nga, weder-weder lang ‘yan.
Nataon pa na hindi man lang gumagawa ng effort si Rhap para mabago ang image niya o hindi man lang siya nagle-level up para hindi siya mawala sa sirkulasyon.
Naalala tuloy namin ang sinabi ni Enchong Dee, “Mabait kasi akong tao kaya suportado ako ng mga kaibigan ko kahit hindi ako singer, hindi ako dancer, gusto ko lang magkaroon ng concert kaya natuloy ito.”