Koreanong diver natagpuang patay sa Camotes Island

NATAGPUANG patay ang isa sa tatlong Koreano na nawala matapos magdiving sa karagatan ng Punta Engano, Lapu-Lapu City noong linggo.
Sa isang panayam ng dyLA radio station sa Cebu, sinabi ni Himensulan barangay captain Rene Maranga na natagpuan ang katawan ni Heo Sueng Yung, 45 sa dalampasigan sa Barangay Himensulan, San Francisco, Camotes Island.

Idinagdag ni Maranga na nadiskubre ang bangkay ng Koreano ng caretaker ng M Lhuiller resort na si Reynante Reyes.
Nauna nang natagpuang buhay ang mga kasamang Koreano ng biktima na sina Kim Eun, 31 at diving instructor na si Baek Seung Kyoon, 34 noong Martes ng hapon.
Natagpuan ang babaeng diver ganap na alas-4 ng hapon ng isang mangingisda malapit sa dalampasigan na mahinang-mahina.