Natawa kami dahil naikuwento pa niya ito sa ABS-CBN TV executive na si Enrico Santos na sinagot naman si Ejay ng, “E, kasi wala kang isyu kaya ganu’n.”
Oo nga naman, ano ba ang bago ngayon kay Ejay Falcon?
Bukod sa wala pang titulo ang napanalunan niyang bahay mula sa Globe Asiatique na ilang beses na rin naman niyang naikuwento ay wala na talaga kaming maitanong na bago sa kanya?
Wala naman siyang kinasasangkutang gulo o hindi naman siya nanulot ng girlfriend para sana may mapag-usapan.Sa madaling salita, masyadong mabait si Ejay at maski nga raw mapagalitan ay nasa isang tabi lang ito,
ayon mismo sa mga direktor na nakakatrabaho na niya.
Ang huling TV show niya ay ang seryeng Mundo Man Ay Magunaw kasama si Empress na hindi naman daw niya niligawan dahil magkaibigan lang daw sila.
Kaya nang tinanong siya sa presscon kung anong nabago sa kanya ay sinagot niya ito ng, “Medyo tumaba ako ngayon, pero nagpapayat na ako ulit para maibalik ko ‘yung dating katawan ko na kailangan ko rin sa bago kong teleserye.”
Ang sumunod na tanong ay tungkol na kay Empress, ano na ang bago sa muli nilang pagsasama? “Basta ang role ko rito sa ‘Amorosa’, kabaligtaran sa lahat ng nagawa ko na, na laging mabait, umiiyak, dito ibang-iba po, surprise po, panoorin na lang,” sabi ni Ejay.
Ikaw bossing Ervin, ano naman ang masasabi mo kay Ejay? (Ha-hahaha! Ako na naman ang tinanong mo Reggee ha! Pero gusto ko sanang malaman kung hindi ba siya nagsasawa na sagutin ang mga tanong ng press about Empress? Ha-hahaha! Ed)
Anyway, mapapanood na ang “Amorosa: The Revenge” sa Agosto 29 kasama sina Enrique Gil, Martin del Rosario, Empress at Angel Aquino.