Pimentel
SINABI kahapon ni Sen. Aquilino “Koko” Pimentel III na iindorso ng PDP-Laban ang kahit sinong kandidato wag lang si Vice President Jejomar Binay.
Idinagdag ni Pimentel na ito’y kung hindi tatakbo si Davao City Mayor Rodrigo Duterte.
“If ever hindi tumakbo si Mayor Duterte, the party will look for other candidates to endorse but definitely Vice President Binay will not be in that list (because of corruption allegations),” sabi ni Pimentel.
Idinagdag ni Pimentel na hindi rin popularidad ang magiging batayan para suportahan ng PDP-Laban ang isang kadidato.
“Kung maghahanap pa kami ng taong gusto naming suportahan as president (it should be) on the basis of shared beliefs. Dapat shared beliefs. Hindi dapat dahil sa winnable siya or maganda siya,” giit ni Pimentel.
Matagal na naging miyembro ng PDP-Laban sa Binay bago siya umalis noong 2014.
Bago ang pag-alis ni Binay sa PDP-Laban, kumalas ang partido sa United Nationalist Alliance (UNA), ang koalisyon na binuo nina Binay, Manila City Mayor at dating pangulong Joseph Estrada at ang nakakulong na si Sen. Juan Ponce Enrile.